Este Xoves 30 de Xaneiro ás 20h en Portas Ártabras, poderedes acompañarnos na presentación da obra "Baixo o bosque de leite", un clásico que explora os misterios, soños e voces dun pequeno pobo galés baixo a mirada de Dylan Thomas.

A pasada fin de semana puxemos punto e final ás representacións das obras deste curso 23/24. En total o Estudio Casahamlet levou a escena 4 montaxes teatrais.

O grupo de Adultos fixo diversas representacións da peza "Xente de pálida pel", inspirada en textos de diversos autores como Álvaro Cunqueiro, Manuel Lourenzo, William Shakespeare ou Federico García Lorca, entre outros. 

O grupo de Adolescentes levou a escena, na propia escola e no IES Rosalía Mera, a montaxe "Pim, pam, clown: A guerra dos pallasos".

Por outro lado, os grupos de Nenos e Nenas dos Xoves e Sábados representaron, respectivamente, as obras: "Pilleite, Carrapuchiña!" e "A historia xamais contada de Brancaneves e o Rei Artur".

Foron meses de moito traballo e moita ilusión que se viron recompensados coa gran acollida por parte do público.

O próximo curso máis e mellor! (se é posible, claro)

Últimas prazas para o curso de dobraxe no mes de Agosto. Máis información no 661062984 ou no email dani.otero1993@gmail.com  

Non quedes sen praza!  

                                                                                       Na foto, os alumnos e alumnas de Iniciación á Dobraxe

A semana pasada remataron os cursos de dobraxe na escola. Foron meses de moito traballo e moitas alegrías, e xa estamos desexando comezar de novo despois do verán. 

Santiago Fernández foi entrevistado por La Voz de Galicia e, entre outros temas, fala da creación de CasaHamlet, do panorama cultural actual e do futuro desta escola. 

Aquí vos deixamos a ligazón á noticia completa: click aquí

O mércores foi a estrea do espectáculo "Macedonias", representado polo grupo de adultos en Casahamlet e entre o público asistente contamos coa presenza de Manuel Lourenzo. Viva o TEATRO!

Aquí vos deixo as ligazóns para que poidades ler as palabras que nos adicaron La Opinión A Coruña e La Voz de Galicia.

Artigo La Opinión: click aquí

Artigo La Voz de Galicia: click aquí

CasaHamlet presenta `Macedonias: unha teatral guerra´. O espectáculo está representado polo Grupo de Adultos da escola e dirixido por Santiago Fernández. 

Elenco: Rafael Enríquez, Diana López, Marcos F. Eimil, Marta López, José M. Rabuñal, Concha Pardo, Pedro Leiras, Marina Gómez, Laura López, Ana Sánchez, Anxo Saavedra, Beatriz Pardo, Marcos Romero, Ana Zapata, Fernando Castro, Elena Bao, Rosa Mª Reinoso, Elisa Lema e Chus Fernández. 

Calendario de actuacións: 

MAIO

• 16 - Estudio Teatral CasaHamlet: 17:30h
• 25 - Betanzos (Liceo): 20h 
• 27 - Corcubión (Casa da Cultura): 20h
• 30 - A Coruña (Circo de Artesáns): 20h

O Estudio Teatral CasaHamlet está de aniversario: 25 anos. E que mellor maneira de celebralo que invitándovos a que asistades a unha das nosas aulas de Teatro ou Dobraxe. Se estades interesadxs, podedes enviar un correo a manueldosil@gmail.com ou chamar ao 627489879. Agardámosvos!