O Centro Dramático Galego e a Companhia de Teatro de Braga reestrearon no Salón Teatro de Santiago a produción "A contenda dos labradores de Caldelas ou Entremés famoso sobre a pesca do río Miño", unha peza que cumpre o 50º aniversario da súa primeira posta en escena pola compañía Teatro Circo, da man de Manuel Lourenzo e Pepe Struch. 

A fundación Galicia Cultura edita a obra completa de Manuel Lourenzo, a cal comprende unhas 300 pezas teatrais reunidas en 7 volumes. 

O Estudio Teatral CasaHamlet ten publicados unha serie de manuais de teatro centrados en aspectos didácticos como: historia, sensibilización corporal, voz ou dobraxe, entre outros. Esta labor foi posible grazas ao patrocinio da Diputación Provincial da Coruña. 

CasaHamlet, grazas ao patrocinio da Deputación da Coruña, ten publicadas unha serie de revistas de teatro de carácter monográfico con abundante material teórico, dramatúrxico e documental. Un material que se caracteriza por ter unha temática ampla, variedade e rigor das colaboracións, e atención ao teatro galego e universal do momento. En palabras dos seus promotores:

Era preciso, ademais, disertar sobre as cuestións [...] relativas á situación do teatro, ao seu discurso, tanto social  como estético, ao seu obxectivo e funcionalidades. Abrir un foro de opinión, de participación, que teña en conta o tempo e o país que compartimos, e que se abra ás máis diversas experiencias oriundas doutros ámbitos humanos e culturais. Dar conta da experiencia propia, pois, e dialogar con outras formas e linguaxes. Unha revista de teatro podía ser o cauce dese río. (CASAHAMLET, 1999, p. 3)

Listado de exemplares:

• 1999. Nº 1: "Especial Hamlet". 
• 2000. Nº 2: "Teatro Galego na Coruña". 
• 2001. Nº 3: "María Casares". 
• 2002. Nº 4: "Dramaturgos".
• 2003. Nº 5: "As paisaxes do drama". 
• 2004. Nº 6: "Monólogos". 
• 2005. Nº 7: "A cidade". 
• 2006. Nº 8: "Teatro Histórico". 
• 2007. Nº 9: "Amor".
• 2008. Nº 10: "Teatro fantástico".
• 2009. Nº 11: "O teatro de Xesús Pisón".
• 2010. Nº 12: "Personaxes"
• 2011. Nº 13: "Cunqueiro".
• 2012. Nº 14: "Teatro e audiovisual". 

Para contactar connosco:

Santiago Fernández (Grupo de Adultos e Dobraxe)

Daniel Otero (Grupo de Nenos e Adolescentes)

Enderezo da escola:
r/ Alfonso VII, 11 - baixo
15005 A Coruña

(zona Mercado de Santa Lucía)